Valdatafl

24.11.2006 | 13:14

Framsóknarflokkurinn

Aðeins um þingmenn Framsóknarflokksins.

Hvers vegna eru þeir alltaf reiðir og pirraðir. Ég sá ekki betur en að þeir þrír sem voru Birkir Jón, Hjálmar og Sif sem komu fram í kvöldfréttum RUV í gær væru öll þreytt og pirruð út í allt og alla. Væri ekki nær fyrir þau að svara á jákvæðan hátt. Stundum hafa hinir þingmennirnir rétt fyrir sér og þá er bara taka undir með þeim Hjálmar og koma málunum í réttan farveg. Sif var að svekkja sig á því að Ásta Möller hefði aðra skoðun en hún á flutningi miðstöðvar Heilsuvendar, er það ekki réttur og skylda hvers þingmanns að fara eftir sinni samvisku? Sif útskýrði ágætlega það sem væri verið að gera i málefnum mæðraverndarinnar með því að flytja verkefnin út á heilsuverndarstöðvarnar. En er þar húsnæði, mannskapur og fjármagn til að sinna mæðravernd?

Ég legg til að þingmenn Framsóknar hætti að líta á sig sem fórnarlömb og fari að stunda sina vinnu með jákvæðu hugarfari, annars fer illa fyrir flokknum í kosningunum í vor.

Einn sem þolir ekki þegar fólk gengur um og heldur að allir séu vondir við það. Vonandi á þetta eftir að lagast.

Dægurmál | Breytt s.d. kl. 14:12 | Slóð | Facebook | Athugasemdir (1)

24.11.2006 | 12:35

Reykjalundur

Betra seint en aldrei!

Þannig var að ég dvaldi allan október á sælustaðnum Reykjalundi í Mosfellsbæ. Þar eyddi ég tímanum við æfingar, hvíld og andlega og líkamlega endurhæfingu. Þvílík sæla og ekki skemmdi umhverfi staðarins fyrir, fegurð hvert sem litið er. Ég held bara að ekki sé til meiri fegurð á öllu höfuðborgarsvæðinu, hvort sem litið er innan- eða utandyra. Starfsfólkið er yndislegt og vill allt fyrir mann gera, takk fyrir mig. Eg var heldur slappur þegar ég mætti en með jákvæðu hugarfari fékk starfsfólkið mig til að trúa á að ég gæti meira en ég gerði. Því er ég styrkari núna en áður.

En og aftur takk fyrir mig

Dægurmál | Breytt s.d. kl. 12:37 | Slóð | Facebook | Athugasemdir (0)

15.10.2006 | 16:06

Menningarmiðstöð í Varmhlíð í Skagafirði

Það kemur mér kannski ekki við og þó. Ég rakst á smá frétt í Morgunblaðinu í liðinni viku þar sem sagt var frá fyrirhugaðri menningarmiðstöð i Varmahlíð. Gott mál, nema í fréttinni kom fram að hætt væri við að hafa lyftu í húsinu sem verður 2. hæðir.

Þá vakna nokkrar spurningar.

Eru engir í Skagafirði sem þurfa að nota lyftu til að komast á milli hæða?
Verður það sem gerist á annari hæðinni svo ómerkilegt að það tekur því ekki fyrir þá sem þurfa að nota lyftu að fara þangað?
Eru engir gamlir eða fatlaðir í Skagafirði sem þurfa að nota lyftu?
Hvað með þá sem koma annarsstaðar frá og vilja skoða húsið og njóta þess sem þar er?
Verða kannski nokkrir fílelfdir stöðugt í húsinu til að bera fólk á milli hæða?

Satt að segja er ég mjög hissa á þessu, ég hélt að lyfta í opinberum byggingum væri staðalbúnaður og að það þyrfti ekki að ræða hvort hún ætti að vera einungis hvar.

Dægurmál | Breytt s.d. kl. 17:52 | Slóð | Facebook | Athugasemdir (0)